Kinilala ng lokal na pamahalaan ng Sanchez Mira, Cagayan ang mga mag-aaral, guro, at kanilang mga paaralan dahil sa mga pagkilalang kanilang natanggap mula sa iba’t-ibang patimpalak at larangan.
Pinangunahan ni CSU-Sanchez Mira Professor Freddie P. Masuli, PhD ang mga pinarangalan. Si Masuli ang nagwagi ng unang patimpalak sa 75th Don Carlos Palanca Memorial Awards for Literature (2025) ang itinuturing na pinakaprestihiyosong patimpalak sa panitikan sa Pilipinas.
Gayundin ang Shining Light Academy – Sanchez Mira dahil sa kanilang tagumpay sa International Mathematics at Science Competitions at International Mathematics Olympiad. Dito nag-uwi sila ng diamond, gold at bronze awards.
Diamond awardee si Francesca Sofia Anikah A. Mas samantalang gold awardee naman si James A. Caliboso. Nag-uwi naman ng bronze award sina Franz Ilika C. Guillermo, Weanne Myrrh S. Peralta, Kendrick Ramonito A. Manahan, Zyrthie Brielle L. Pasion, Katie A. Caliboso, Gavin Richard M. Diza, Jayden Mitch I. Aquino, Marc Liam A. Arciaga, at Queen Veronica P. Collado.
Nag-uwi rin ng parangal ang mga guro ng nasabing paaralan sa 2025 STARS Awards ng Department of Education – Region II at 2025 SALUDO: Educators of Cagayan Awards.
Most Outstanding Secondary School Head (Private) si Mrs. Violy E. Tapec, at Most Oustanding Elementary School Head (Private) si Mrs. Vilma E. Samuel. Nanalo namang Most Oustanding School Secondary School Teacher (Private) si Ms. Nerissa V. Valenzuela, at Most Outstanding Elementary School Teacher (Private) si Mr. Ryan Jay F. Gamurot.
Samantala, ang Sanchez Mira School of Arts and Trades (SMSAT) ay pinarangalan din sa Technical Drafting at Pastry Production dahil sa kanilang pagkapanalo sa Provincial Division Festival of Talents noong nakaraang taon.
First place sa Technical Drafting si Almira A. Pilarca, first place sa Bread and Pastry Production si Arbiegaile Angela S. De Guzman, at third place si Sophia Casandra Pacis sa Bread and Pastry Production.
Kinilala rin ang kanilang mga mentor na sina Mr. Michael L. Pulido at Ms. May Pallatao.
Maging ang Cagayan State University – Sanchez Mira Campus ay kinilala rin sa kanilang mga tagumpay sa archery, arnis, pencak silat, athletics at basketbol sa Higher Education Press Conference sa CaVRASUC Meet sa CSU-Carig, Tuguegarao Cotu.
Bronze medalist sa archery Relly Jane Corpuz, silver medalist sa arnis si Damhyr Caleb Rosales, silver medalist sa pencak silat si Liam Xander Rosales, silver medalist sa athletics long jump si Mc. Arthur A. Ramos, silver medalist sa basketbol women si Novie Yvette Sacramed, at silver medalist sa pencak silat si Amante Basco Jr.
Kasama sa mga tagapagsanay ng CSU Sanchez Mira athletes sina Romel Peregrino, Katherine Sanchez, at John Paul Bistayan.
Si Frank Allen Ancisco naman ay kinilala dahil sa kanyang kontribusyon bilang associate editor sa Luzon Wide Higher Education Press Conferences.
Ang pagkilala ay pormal na iginawad alinsunod sa Resolution of Recommendation na inakda ni SB Member Napoleon Malto, at iginawad ni Mayor Abe Bagasin.
Source: 𝗚𝗢𝗢𝗗 𝗡𝗘𝗪𝗦 𝗦𝗔 𝗨𝗠𝗔𝗚𝗔: Ang regular flag ceremony… – LGU Sanchez Mira | Facebook