Pinarangalan bilang isa sa Top 10 Most Distinguished Senior Citizens sa Lalawigan ng Ilocos Sur si dating Nagbukel Mayor Amalia Crisostomo Cabrera.
Natanggap ni Cabrera ang pagkilala dahil sa kanyang dedikasyon at mahusay na serbisyo bilang pangulo ng ANARAAR. Dito, ipinakita niya ang kanyang steadfast leadership at commitment para maiangat ang organisasyon at komunidad.
Nagpatupad siya ng maraming mahuhusay na proyekto at programa na nakatulong sa mga senior citizens, estudyante at buong community.
“Her leadership and commitment left a lasting impact on the municipality, earning her the admiration of constituents and colleagues alike,” saad sa post ng Municipality of Nagbukel.
Isinagawa ang pagpaparangal sa Tribute to Elderlies program ng pamahalaang panlalawigan na naganap sa Provincial Farmers Livelihood Development Center.
Layunin ng tribute program na bigyang pagpupugay ang mga senior citizens na nagdala ng mahalagang kontribusyon sa public service, community development, at social progress sa buong probinsya.
“The event gathered local government officials, community leaders, family members, and guests to celebrate the invaluable role of elders in shaping Ilocos Sur.”